سياسة الخصوصية

وش نحفظ ووين

الحفظ في المتصفح يتم بتقنية التخزين المحلي (localStorage)، وما ينتقل لأي خادم. تقدر تمسحه من إعدادات متصفحك، أو تاخذ منه نسخة احتياطية من صفحة «نسخة من تقدّمي».

بلاغات الأخطاء والاقتراحات

لما ترسل بلاغ، يوصلنا: الصفحة، ونوع المشكلة، والوصف اللي كتبته، ولغة الموقع، ووقت الإرسال، وإيميلك فقط إذا كتبته (اختياري). ولما ترسل اقتراح من «صندوق الاقتراحات»، يوصلنا نص الاقتراح ولغة الموقع ووقت الإرسال، وإيميلك فقط إذا كتبته. نستخدمها لتحسين الموقع والرد عليك، وما نشاركها مع أحد. لا تكتب معلومات شخصية في النص.

خدمات خارجية يتصل فيها متصفحك

• Google Fonts: لتحميل خطوط الموقع.
• jsDelivr: لتحميل محرك Python (Skulpt) في دروس البرمجة والذكاء الاصطناعي.
• cdnjs (Cloudflare): لتحميل محرك SQL (sql.js) في دروس قواعد البيانات.
• Cloudflare: يستضيف الموقع ويوصله لك، ويحسب لنا إحصائيات الزيارات (Cloudflare Web Analytics).

لما يتصل متصفحك بهذي الخدمات، يوصلهم عنوان IP ومعلومات المتصفح المعتادة حسب سياسات خصوصيتهم. وروابط الدورات والشهادات توديك لمواقع خارجية لها سياساتها الخاصة.

الإحصائيات والكوكيز والإعلانات

عشان نعرف وش يفيد الطلاب ونحسّن الموقع، نستخدم Cloudflare Web Analytics لعدّ الزيارات. يعطينا أرقام مجمّعة بس: عدد الزيارات، والصفحات الأكثر زيارة، والمواقع اللي جا منها الزوار، ونوع المتصفح والجهاز، والدولة، وسرعة تحميل الصفحات. ما يعطينا اسمك ولا إيميلك ولا يتابعك في مواقع ثانية، وCloudflare تقول إنه ما يستخدم كوكيز ولا بصمة الجهاز لتتبع الزوار. تقدر تمنعه بأي إضافة لحجب الإعلانات، والموقع يشتغل عادي.

وما نعرض أي إعلانات. وإذا أضفنا حسابات أو أي أداة ثانية مستقبلاً، بنحدّث هذي الصفحة قبلها ونوضح وش يتغير.

الفئة العمرية

الموقع موجه لطلاب الجامعة والخريجين. وبما إننا ما نجمع بيانات شخصية، ما نطلب العمر. لو عمرك أقل من 18 سنة، استخدم بلاغات الأخطاء بدون كتابة إيميلك.

حقوقك

بياناتك في متصفحك، فتقدر تشوفها وتحذفها متى ما تبي. ولو أرسلت بلاغ وتبي نحذفه، تواصل معنا. ونلتزم بنظام حماية البيانات الشخصية في المملكة العربية السعودية.

التغييرات على هذي السياسة

لو تغيّرت طريقة تعاملنا مع البيانات، بنحدّث هذي الصفحة وتاريخ آخر تحديث فيها.

التواصل

راسلنا على: mymispal@gmail.com